Li gorî nûçeyê ku ji ajansa nûçeyan a Ahlulbayt (s.x) - EBNA- Hatiye weşandin, Rêberê Şoreşa Îslamî îro nîvro di hevdîtina xwe ya bi fermandar û berpirsên Hêzên Çekdar de, bi boneya sala nû, Hêzên Çekdar wekî parastina welat û penahgeha gel li hember her êrişkarê derveyî bi nav kir û bi tekez kirin li ser xurtkirina amadekariyên herî zêde û lênêrîna teknîkî û mirovî ji bo cîbicîkirina vê erkê neteweyî, got: "Pêşketinên welêt bûne sedema acizbûn û xemgînîya dijminên Îranê. Lê belê, di hin beşên wekî pirsgirêkên aborî de, kêmasî hene, bê guman divê em ji bo çareserkirina wan hewl bidin."
Hazreti Ayetullah Xamineyî di vê hevdîtinê de, amadekariya teknîkî ya Hêzên Çekdar wekî xurtkirina hêza çekdarî û bilindkirina rêxistinî, sazûmanî û jiyanê bi nav kir û got: "Li gel amadekariyên teknîkî, amadekariya mirovî, ango baweriya bi armanc û erkê xwe û baweriya bi rastiya rê, gelekî girîng e, ku hewldanên dijminane hene ji bo xerakirina wê."
Wî hebûna Îslamî û serbixwe ya sîstema Îslamî wekî sedema berxwedana dijminan bi nav kir û got: "Tiştê ku dijmin aciz dike, navê Komara Îslamî nîne, lê ew îrade ye ku welatek bixwaze Misilman, serbixwe û bi nasname be û ji bo rûmeta xwe pêbaweriya xwe bi kesên din nebe, ev yek dibe sedema acizbûna wan."
Rêberê Şoreşê bi destnîşankirina mînakek ji muameleyên ducarî yên desthilatdarên cîhanê, ku destûr didin xwe bi çekên herî dijwar û xirabker bi çek bikin û pêşketina berevaniyê ji bo kesên din ne destûr e, got: "Bawerî, îman, îrade, mêrxasî û bawerî bi Xwedê divê bi awayekî herî zêde di nava Hêzên Çekdar de hebe, ji ber ku artêşên bi serbilindî yên ku di dîrokê de xwedî van taybetmendiyan nebûn, têk çûne."
Rêberê Înqilabê got ku pêşvebirina amadekariyên nermalavî di civakê de pêwîstiya hewldanên beşên cuda cuda wekî deng û dîmen û sazîyên ragihandinê ye û lê zêde kir: Bi şens îro welêt ne tenê ji aliyê amadekariyên hişk ve gelekî pêşketî ye, lê ji aliyê nermalavê ve jî gelek pêşkeftî ye, nimûneya wê jî dilsoziya bêdawî ya sedan û hezaran ciwanên bawermend û dilxwaz e ji bo beşdarî di qadên pêwîst ên têkoşînê de.
Hazreti Ayetullah Xamineyî sedema hêrsa dijminan û aloziyên medyayê wekî pêşketinên roj bi roj ên Îranê bi nav kir û got: Ew tiştên ku di xewnên wan de ne wekî nûçe û rastiyê pêşkêş dikin, ji bo van tesîrên xerab û propagandayan divê pilan were danîn û pê re were şer kirin.
Wî bi tekez kir ku Komara Îslamî ji tevger û pêşkeftineke baş sûd werdigire, lê zêde kir: Bê guman hin zehmetiyên aborî yên eşkere jî hene ku divê bên çareser kirin, lê nabe bi tevlîhevkirina mijaran pêşketinên ecêb ên ku heta dijmin jî pesnê wan didin bên paşguh kirin.
Rêberê Înqilabê her wiha bi pîrozbahiyên sala nû yên ji bo hemû hêzên çekdar û malbatên wan, ji rola girîng a hevjînan û malbatan di hevkariyê de bi hêzan re ji bo pêkanîna erkên wan spas kir.
Di destpêka vê hevdîtinê de, Serfermandarê Giştî yê Hêzên Çekdar, Serdar Serleşker Baqirî, bi behsa bûyerên sala 1403 li Îran û herêmê, ji hişyariya cîhanî di mijara Filistînê de û li berxwedana dîrokî ya gelê Gazze û Lubnanê li hemberî sûcên rejîma Siyonîst wekî serkeftinên serbilind di têkoşîna li dijî zilmê de behsa kir û bîranîna şehîdên berxwedanê û fermandarên şehîd kir.
Serdar Baqirî, xurtkirina hêza berevanî û astengkirinê, hilberîna alav û çekên pêşkeftî, lidarxistina manevrayên gelek û bi kalîte, hevahengiya temam di navbera hêzên çekdar de, alîkariya pêşveçûn û avakirinê ya welêt, hevahengiya tam a meydanî û dîplomasiyê û hevkariya bi hikûmetê re ji bo pêkanîna şîara salê wekî bername û karên hêzên çekdar bi nav kir û bi spas kirina Serokkomarê rêzdar ji ber bal kişandina li ser piştevaniya beşê berevaniyê yê welêt got: Hêzên çekdar bi piştgiriya gel di amadebûneke temam de ne û dê xemgîniya gihîştina armancên xirab li dilê dijminên Îranê bihêlin.
……
/Dawiya peyamê
Your Comment